Real Madrid përballet sot në shtëpi me Gironën në një ndeshje kyçe për garën e titullit në La Liga, duke kërkuar kthesën pas disa disfatesh të fundit, përfshirë humbjen ndaj Bayern Munich në Ligën e Kampionëve dhe atë ndaj Mallorca në kampionat. Madrilenët ndodhen në vendin e dytë, disa pikë pas Barcelonës, dhe çdo fitore është jetike për të mbajtur gjallë shpresat për trofeun e 37-të. Girona vjen me moral të lartë pas fitores 1-0 ndaj Villarreal, por ka probleme me formën jashtë fushe, ku nuk ka fituar në pesë ndeshjet e fundit si mysafire. Real Madrid ka një dominim historik ndaj Gironës në përballjet direkte, veçanërisht në shtëpi, por problemet në mbrojtje dhe lodhja nga angazhimet në Ligën e Kampionëve mund të ndikojnë në performancën e tyre.