Real Madrid po shqyrton mundësinë e transferimit të Erling Haaland si zëvendësues të Vinicius Junior, në rast se braziliani nuk rinovon kontratën e tij që do të hyjë në vitin e fundit. Presidenti Florentino Perez e sheh sulmuesin norvegjez si kandidatin ideal për të mbuluar mungesën e Vinicius në skuadër. Megjithatë, transferimi i Haaland pritet të jetë jashtëzakonisht i vështirë, pasi ai ka kontratë afatgjatë me Manchester City deri në vitin 2034 dhe klubi anglez nuk ka ndërmend ta shesë, duke kërkuar një shumë mbi 200 milionë euro. Pavarësisht këtyre spekulimeve, Vinicius mbetet pjesë e Real Madridit dhe nuk ka shfaqur dëshirë për t’u larguar nga klubi.