Real Madrid po përgatit një verë të nxehtë në merkato me tre objektiva kryesorë për të forcuar skuadrën e tyre. Presidenti Florentino Perez synon të sjellë në Madrid mbrojtësin e Interit, Alessandro Bastoni, mesfushorin e PSG-së, Joao Neves, dhe sulmuesin e krahut Victor Munoz, i cili aktualisht luan për Osasunën. Bastoni konsiderohet një shtyllë e rëndësishme në mbrojtjen italiane dhe Real Madridi është gati të ofrojë deri në 70 milionë euro për të, duke përfituar edhe nga tërheqja e Barcelonës nga gara për të. Ndërkohë, rikthimi i Munoz është më i lehtë pasi klubi zotëron 50% të të drejtave të tij, ndërsa Neves shihet si një talent i jashtëzakonshëm që do t’i japë cilësi mesfushës madrilene.