Ylli i Real Madrid, Kylian Mbappe, është konfirmuar se nuk do të luajë në ndeshjen e kthimit të Champions League ndaj Benfica, për shkak të një problemi me ligamentin e gjurit të majtë. Ai ka vuajtur dhimbje në gju gjatë javëve të fundit, por ka vazhduar të luajë deri tani, megjithatë për këtë përballje vendimtare është i detyruar të mungojë. Ndeshja e parë, e zhvilluar në Portugali, përfundoi me fitore 1-0 për Real Madridin, me golin e Vinícius Júnior që i dha avantazhin skuadrës madrilene. Mungesa e Mbappes vjen në një moment kyç, pasi ai është golashënuesi kryesor i LaLiga dhe Champions League, duke e bërë sfidën në “Bernabeu” shumë më të vështirë për “Los Blancos”.