Real Madrid pritet të jetë shumë aktiv në afatin kalimtar veror, duke përfshirë largime të rëndësishme si ato të David Alabës dhe Dani Ceballos. Kontrata e Alabës nuk do të rinovohet dhe ai do të largohet në qershor, ndërsa Ceballos, i dëmtuar që nga shkurti, nuk bën pjesë në planet e ardhshme të klubit dhe dëshiron të largohet sapo të hapet merkatoja. Mesfushori ka një preferencë për rikthimin te Real Betis, klubi i fëmijërisë së tij, por kjo nuk do të jetë e lehtë për shkak të kufizimeve financiare të Betisit dhe kushteve që do të vendosë Real Madrid. Gjithashtu, edhe klube të tjera nga La Liga dhe Premier League janë të interesuara për Ceballos, i cili shpreson të rikthehet në fushë dhe të përfundojë aventurën e tij në “Bernabéu” në mënyrën më të mirë para largimit në verë.