Real Madrid po analizon mundësinë e rikthimit të Jose Mourinhos si trajner për sezonin e ardhshëm, duke e përfshirë emrin e tij në listën e kandidatëve. Mourinho ka drejtuar më parë “Los Blancos” nga 2010 deri në 2013, ku fitoi titullin e La Liga dhe vendosi bazat për një skuadër konkurruese në Europë, duke lënë një gjurmë të fortë me stilin e tij të drejtime dhe personalitetin dominues. Megjithatë, burime pranë trajnerit theksojnë se ai është i fokusuar aktualisht në angazhimet e tij dhe nuk ka konfirmuar kontakte konkrete me klubin madrilen. Në të njëjtën kohë, drejtuesit e Real Madrid po shqyrtojnë edhe alternativa të tjera për stolin e trajnerit, duke mbajtur të hapura opsionet për të ardhmen.