Real Madrid po planifikon ndryshime në repartin e mbrojtjes për sezonin e ardhshëm, duke synuar të mbajë Antonio Rudiger edhe për një vit tjetër. Klubi i ka ofruar mbrojtësit gjerman një kontratë të re njëvjeçare, duke e konsideruar atë një figurë kyçe në mbrojtje këtë sezon. Rudiger ende nuk ka vendosur për të ardhmen e tij, pasi ka oferta edhe nga Juventusi, klubet turke dhe ato arabe. Në të njëjtën kohë, Real Madrid po kërkon një investim afatgjatë në mbrojtje dhe ka identifikuar si pasues ideal të Rudiger qendërmbrojtësin 19-vjeçar të Real Sociedad, Jon Martin, i cili konsiderohet një talent me të ardhme të madhe dhe është pjesë e Spanjës U-21.