Në javën e 32-të të kampionatit spanjoll, Real Madridi u ndal në një barazim 1:1 ndaj Real Betisit në Sevilla, duke humbur kështu një mundësi të rëndësishme për të qëndruar në garë për titullin. Vinicius Junior kishte kaluar "mbretërit" në epërsi që në minutën e 17-të, por goli i vonshëm i Hector Bellerin në minutën e 90+4 ndryshoi gjithçka duke i dhënë një pikë Betisit. Me këtë rezultat, Real Madridi mbetet në vendin e dytë me 74 pikë, 8 pikë larg liderit Barcelona, dhe me një ndeshje më pak, duke e bërë shumë të vështirë rikthimin në garë. Real Betisi, nga ana tjetër, forcohet në vendin e pestë me 50 pikë, ndërsa kampionati ka vetëm pesë xhiro të mbetura.