Real Madridi ka kaluar një periudhë të vështirë me dy humbje radhazi ndaj Osasunës dhe Getafes, që e kanë lënë skuadrën katër pikë prapa Barcelonës në renditjen e La Ligës. Humbja e pozitës së parë erdhi vetëm një xhiro pas marrjes së primatit, duke e detyruar ekipin të kërkojë rikthimin te fitoret. Sonte, me fillim nga ora 21:00, Real Madridi do të luajë në transfertë ndaj Celta Vigos në ndeshjen që hap xhiron e 27-të të elitës së futbollit spanjoll. Celta Vigo, që renditet e gjashta me 40 pikë, ka zhvilluar një sezon të mirë, por Real Madridi nën drejtimin e Alvaro Arbelosë kërkon me patjetër fitoren për të ngushtuar diferencën me Barcelonën.