Real Madridi po përgatitet për një verë të nxehtë në merkato, duke synuar të përforcojë mesfushën me tre emra të rëndësishëm: Enzo Fernandez, Mateus Fernandes dhe Kees Smit. Presidenti Florentino Perez dëshiron të ndërtojë një skuadër galaktike dhe pas blerjeve të mëparshme, fokusi është te një lojtar që sjell kreativitet dhe ekuilibër në repartin e mesfushës. Emri më i përfolur është ai i Enzo Fernandezit, mesfushorit argjentinas që ka shkëlqyer me Chelsean, por transferimi i tij duket shumë i vështirë për shkak të kërkesës së lartë prej 140 milionë eurosh nga klubi londinez. Megjithatë, Real Madridi po vazhdon të monitorojë situatën dhe ka në listë edhe dy alternativa serioze në rast se marrëveshja për Fernandezin dështon.