Real Madridi po planifikon ndryshime në stafin teknik për sezonin e ardhshëm dhe ka nisur të shqyrtojë emra për trajner të ri, ku Mauricio Pochettino është një nga kandidatët kryesorë. Aktualisht, Alvaro Arbeloa drejton ekipin pas largimit të Xabi Alonsos, por ai nuk shihet si zgjidhje afatgjatë dhe vetëm një sukses i madh mund ta mbajë në këtë post. Presidenti Florentino Pérez e vlerëson lart Pochettinon, i cili ka përvojë të madhe në klube të mëdha si Tottenham, PSG dhe Chelsea, dhe ka arritur suksese të rëndësishme, përfshirë finalen e Ligës së Kampionëve me Tottenhamin dhe tituj me PSG-në. Përveç Pochettinos, në listë janë edhe emra të njohur si Jürgen Klopp, Unai Emery, Massimiliano Allegri dhe mundësia e rikthimit të Zinedine Zidane, i cili pritet të marrë drejtimin e kombëtares franceze pas Kupës së Botës.