Real Madridi i është drejtuar UEFA-s me një kërkesë zyrtare për hapjen e procedurave disiplinore ndaj Barcelonës lidhur me “Rastin Negreira”. Klubi madrilen akuzon Barcelonën për pagesa të dyshimta dhe të paqarta ndaj ish-zëvendëspresidentit të Komitetit Teknik të Gjyqtarëve, duke theksuar se këto veprime rrezikojnë integritetin dhe besueshmërinë e garave sportive. Kjo kërkesë vjen pas deklaratave të presidentit të Real Madridit, Florentino Perez, i cili pretendoi se Barcelona kishte “vjedhur” shtatë tituj të La Ligas gjatë periudhës së tij në krye të klubit. Real Madridi kërkon nga UEFA që të rifillojë menjëherë hetimet dhe të marrë masa disiplinore për të garantuar transparencën dhe funksionimin e drejtë të futbollit, ndërsa paralajmëron se do të ndjekë edhe rrugën ligjore në procedurat penale.