Real Madridi ka dorëzuar një ankesë zyrtare në UEFA, duke kërkuar masa disiplinore ndaj Barcelonës lidhur me çështjen e njohur si “rasti Negreira”. Klubi madrilen ka përgatitur një dosje të detajuar ku kërkon jo vetëm sanksione sportive, por edhe rishikimin dhe heqjen e trofeve të fituara nga Barcelona gjatë periudhës së hetuar. Hetimet për këtë rast, që lidhen me ish-zyrtarin e arbitrave Jose Maria Enriquez Negreira, vazhdojnë në Spanjë dhe kanë tensionuar marrëdhëniet mes dy klubeve më të mëdha spanjolle. UEFA monitoron situatën dhe mund të rihapë hetimet në varësi të zhvillimeve ligjore, ndërsa Barcelona mohon çdo shkelje, duke e cilësuar pagesën si konsulence pa ndikim në vendimet e arbitrave.