Real Madridi është shumë pranë finalizimit të transferimit të sulmuesit 19-vjeçar Yan Diomande nga RB Leipzig, në një marrëveshje që mund të arrijë vlerën e 120 milionë eurove. Lojtari nga Bregu i Fildishtë ka pranuar ofertën e klubit spanjoll dhe është gati të firmosë një kontratë pesëvjeçare, duke i hapur rrugën një nga transferimeve më të mëdha të kësaj vere. Megjithatë, negociatat me Leipzigun vazhdojnë, pasi klubi gjerman kërkon një shumë më të madhe sesa oferta fillestare prej 90 milionë eurosh plus bonuse. Ndërkohë, Paris Saint-Germain nuk ka hequr dorë nga synimi për të transferuar Diomanden dhe po përpiqet ta bindë atë të zgjedhë Francën, por aktualisht Real Madridi konsiderohet favorit për të mbyllur këtë operacion të rëndësishëm.