Real Madridi po përgatitet për një transformim të thellë në sezonin e ri, duke nisur me largimin e disa lojtarëve kyç. Mes tyre, mbrojtësi austriak David Alaba, i cili pas pesë sezoneve dhe 131 ndeshjeve me "Los Blancos", do të largohet nga klubi në fund të këtij edicioni. Gjatë periudhës së tij në Madrid, Alaba fitoi 11 trofe të rëndësishëm, përfshirë dy Liga të Kampionëve dhe dy Botërorë për Klube. Në ndeshjen e fundit kampionale në "Santiago Bernabeu", ai do të nderohet nga tifozët për kontributin e tij të jashtëzakonshëm në skuadër.