Real Madridi po përgatit dy alternativa të papritura në rast se nuk arrijnë marrëveshje me Jose Mourinhon për postin e trajnerit të ri. Mourinho, aktualisht trajner i Benfikës, është në negociata finale për t’u rikthyer në “Bernabeu”, por klubi ka identifikuar Raul, legjendën dhe ish-trajnerin e skuadrës Castilla, si një opsion të mundshëm. Alternativa tjetër është trajneri amerikan Pellegrino Matarazzo, i cili ka fituar së fundmi Kupën e Mbretit me Real Sociedadin dhe konsiderohet një opsion modern nga këshilltarët e presidentit Florentino Perez. Ndërkohë, Sociedad vazhdon të luftojë për një vend në kompeticionet europiane, ndërsa Real Madridi përgatitet për ndryshime në drejtim në fund të sezonit.