Real Madridi po planifikon të bëjë një tentativë serioze për transferimin e Erling Haalandit në verën e vitit të ardhshëm. Klubi spanjoll po ndjek nga afër situatën e sulmuesit norvegjez te Manchester City, ndërsa kampi i Haaland beson se në kontratën e tij mund të ketë një klauzolë lirimi që do ta lejonte kalimin në Madrid. Megjithatë, Manchester City mohon ekzistencën e një klauzole të tillë dhe insiston se Haaland nuk ka një opsion të tillë në kontratë. Sipas gazetarit José Félix Díaz, Real Madridi po përgatitet për një sulm të madh, duke treguar se kjo çështje do të jetë një nga më të ndjekurat në merkato.