Real Madridi po përgatitet të aktivizojë klauzolën e blerjes së sulmuesit 21-vjeçar Nico Paz nga Como, me qëllim që më pas ta shesë atë në Ligën Premier dhe të maksimizojë fitimin. Megjithëse Paz nuk është pjesë e planeve të trajnerit Jose Mourinho për sezonin e ardhshëm, Los Blancos po ushtrojnë presion ndaj Como-s për të paguar 60 milionë euro për transferimin e përhershëm të lojtarit. Sidoqoftë, skuadra e Cesc Fabregas nuk është e gatshme të paguajë këtë shumë dhe do të vazhdojë negociatat me Realin javën e ardhshme për të gjetur një zgjidhje. Klauzola e riblerjes së Paz me vlerë 10 milionë euro skadon në fund të muajit, ndërsa shitja e tij pritet të sjellë të paktën 50 milionë euro fitim për klubin spanjoll.