Real Madridi do të rikthehet sonte në aksion në La Liga, duke u përballur me Real Betisin në kuadër të javës së katërt të kampionatit spanjoll. Deri tani, “Los Blancos” kanë grumbulluar nëntë pikë dhe ndodhen në vendin e dytë, po aq sa edhe Barcelona që prin për shkak të golavarazhit. Nga ana tjetër, Betisi është në pozitën e shtatë me gjashtë pikë të fituara deri më tani. Ndeshja pritet të jetë një test i rëndësishëm për Realin në vazhdim të sezonit.