Real Madridi ka nisur negociatat zyrtare me RB Leipzigun për transferimin e sulmuesit të ri Yan Diomandé, 19-vjeçarit që po shkëlqen në Bundesligë. Klubi madrilen ka dorëzuar ofertën e parë, por Leipzig kërkon rreth 130 milionë euro dhe është i vendosur ta mbajë lojtarin edhe për sezonin e ardhshëm, duke punuar për rinovimin e kontratës së tij. Interesimi i Realit vjen në një moment kur Paris Saint-Germain dhe Liverpooli janë gjithashtu në garë, por deri tani Real Madridi duket favorit. Negociatat vazhdojnë ndërsa klubi spanjoll është i gatshëm të bëjë oferta të reja për të siguruar shërbimet e talentit të ri, i cili konsiderohet një investim afatgjatë dhe një përforcim kyç për repartin e sulmit.