Largimi i Pep Guardiolës nga Manchester City në fund të sezonit po krijon një situatë të paqëndrueshme në skuadër, që mund të ndikojë në të ardhmen e disa yjeve të klubit. Real Madridi po planifikon të shfrytëzojë këtë moment duke synuar transferimin e disa prej futbollistëve më të spikatur të Cityt, përfshirë Rodrin, Erling Haalandin, Josko Gvardiolin, Tijjani Reijnders dhe Bernardo Silvën. Rodri është në krye të listës së dëshirave të Los Blancos, ndërsa Haaland mbetet një objektiv i madh, megjithëse kontrata e tij afatgjatë me Cityn e bën transferimin shumë të kushtueshëm. Vendimi përfundimtar për transferimet do të varet edhe nga trajneri i ri i Real Madridit, Jose Mourinho, dhe nga zhvillimet e merkatos gjatë verës.