Real Madridi ka vendosur të tërhiqet nga gara për sulmuesin Julian Alvarez pas refuzimit të një oferte prej 150 milionë eurosh nga Atletico e Madridit. Me yje si Mbappe, Vinicius dhe Endrick në skuadër, klubi madrilen ka zgjedhur të mos hyjë në një luftë ekonomike të vështirë për një transferim që pritet të kushtojë shumë. Kjo tërheqje i hap rrugën Barcelonës, e cila kërkon të sigurojë shërbimet e sulmuesit argjentinas si pasardhës të Robert Lewandowskit. Megjithatë, transferimi mbetet i komplikuar pasi Atletico nuk dëshiron ta shesë yllin e saj te një rival direkt dhe kërkon një çmim minimal prej 130-150 milionë eurosh, ndërsa kontrata e lojtarit zgjat deri në vitin 2030.