Real Madridi po planifikon të mbajë në skuadër sulmuesin brazilian Endrick për sezonin e ardhshëm, pas huazimit të tij te Lyon, ku ka shfaqur formë të shkëlqyer. Klubi i madh spanjoll i ka dhënë përparësi rikthimit të Endrick, duke i dhënë atij një shans të ri në “Santiago Bernabeu”. Në këtë mënyrë, sulmuesi spanjoll Gonzalo Garcia pritet të largohet, pasi disa klube, përfshirë Borussia Dortmundin, kanë shfaqur interes për të. Vendimi final do të merret pas zgjidhjes së situatës së trajnerit në Real Madrid, por duket se braziliani do të jetë pjesë e projektit të ardhshëm të klubit.