Real Madrid ka vendosur të nxjerrë në shitje mesfushorin francez Eduardo Camavinga, i cili nuk po arrin të sigurojë një vend titullari në skuadër. Klubi kërkon të paktën 50 milionë euro për ta lejuar largimin e 23-vjeçarit, i cili ka kontratë deri në vitin 2029, ndërsa interesime për të janë shfaqur nga klube si Liverpool dhe Al-Ittihad. Camavinga ka pasur vështirësi në vazhdimësinë e paraqitjeve dhe ka luajtur vetëm 1,685 minuta në 31 ndeshje këtë sezon, duke u zëvendësuar shpesh nga lojtarë të tjerë si Valverde dhe Tchouaméni. Pas fitores bindëse 3-0 ndaj Manchester Cityt në Ligën e Kampionëve, ku Camavinga u aktivizua nga stoli, klubi po mendon të financojë transferimin e një mesfushori të ri me shitjen e tij.