Rey Manaj vazhdon të shkëlqejë te Sivasspor, duke shënuar golin vendimtar në ndeshjen ndaj Serikspor në kuadër të xhiros së 28-të të kategorisë së dytë të futbollit turk. Në minutën e 48-të, sulmuesi i Kombëtares shqiptare shfrytëzoi një pasim dhe me një goditje të saktë në vrap, dërgoi topin në rrjetë, duke i dhënë avantazhin 1-0 skuadrës së tij. Ky gol i Manajt ngriti në këmbë gjithë stadiumin dhe u shoqërua me duartrokitje të shumta nga tifozët e Sivassporit. Për 29-vjeçarin ky ishte goli i katërt që prej rikthimit te klubi turk, pas ndërprerjes së kontratës me Al-Sharjah në Emiratet e Bashkuara Arabe.