Richarlison është lënë jashtë listës së lojtarëve të federuar të Tottenhamit për edicionin aktual të Premier League, duke krijuar një situatë të vështirë për sulmuesin brazilian. Ai ishte shumë pranë një transferimi te Evertoni, por marrëveshja përfundoi pa sukses, duke e lënë atë në një gjendje “ngrirjeje” në klubin anglez. Në mungesë të mundësive për t’u aktivizuar në Premier League, braziliani mund të largohet vetëm në kampionate ku merkato është ende e hapur, si Turqia apo Arabia Saudite, ose të presë deri në janar për të ndryshuar skuadër. Richarlison, i transferuar te Tottenhami në verën e 2022-ës për 58 milionë euro, ka kontratë deri në vitin 2027 dhe gjatë kësaj periudhe ka luajtur 134 ndeshje duke shënuar 32 gola.