FC Ballkani ka zyrtarizuar rikthimin e sulmuesit Albin Berisha, i cili pas përvojës jashtë vendit do të veshë sërish fanellën portokalli e zi. Klubi e ka cilësuar rikthimin e tij si një kthim në “shtëpi”, duke theksuar se Berisha do të japë kontribut të rëndësishëm në realizimin e objektivave të skuadrës për sezonin e ri. Sulmuesi ka luajtur më parë në disa klube si Kukësi, Laçi, Besa e Pejës, Malisheva, por edhe jashtë vendit në skuadra si Petrolul Ploiesti dhe Hansa Rostock. FC Ballkani shpreh besimin se Berisha do të vazhdojë të kontribuojë me gola dhe paraqitje të mira, duke përforcuar ndjeshëm ekipin në sfidat që e presin.