Kylian Mbappé është rikthyer zyrtarisht në listën e Real Madrid për ndeshjen kundër Real Oviedos, duke sjellë optimizëm të madh te ekipi madrilen dhe tifozët për fazën finale të sezonit. Megjithatë, ai nuk do të startojë nga minuta e parë, por do të qëndrojë në stol, pasi po rikuperohet nga një lëndim që e kishte detyruar të mungojë në ndeshjet e fundit, përfshirë “El Clasicon” kundër Barcelonës. Real Madrid dhe Oviedo nuk kanë më shanse për objektiva madhorë në këtë sezon, me Realin që do të përfundojë në vendin e dytë dhe Oviedon që do të zbresë në Kategorinë e Dytë. Synimi kryesor i Mbappés mbetet përgatitja për Kupën e Botës 2026, ku ai dëshiron të jetë në formën më të mirë fizike dhe sportive.