Liverpooli po shqyrton seriozisht mundësinë e rikthimit të Darwin Nunez në skuadër, vetëm një vit pasi e shiti për 50 milionë euro. Sulmuesi uruguaian, i cili u bë lojtar i lirë pas ndërprerjes së kontratës me Al-Hilal për shkak të kufizimeve për lojtarët e huaj, po ofrohet nga agjentët e tij disa klubeve evropiane. Përveç Liverpoolit, interesim për Nunez kanë shfaqur Benfica, Chelsea, Tottenham, Newcastle, Aston Villa, Atletico Madrid dhe Bayern Munich, duke e bërë të ardhmen e tij një nga temat më të nxehta të merkatos së verës. Megjithatë, drejtuesit e Liverpoolit ende nuk kanë marrë një vendim përfundimtar për rikthimin e sulmuesit, i cili gjatë periudhës së tij të parë në Anfield shënoi 40 gola në 143 ndeshje.