Sulmuesi i Kombëtares së Kosovës, Vedat Muriqi, mund të rikthehet në futbollin turk këtë verë, pasi kandidati për president të Fenerbahçes, Aziz Yildirim, ka arritur marrëveshje me Real Mallorcan dhe me vetë lojtarin për transferimin e tij. Muriqi ka pranuar një kontratë deri në vitin 2029, por realizimi i transferimit varet nga rezultati i zgjedhjeve presidenciale që do të mbahen këtë fundjavë te klubi turk. Fillimisht, Mallorca kishte vënë një çmim prej 18 milionë eurosh, por Muriqi ka kërkuar uljen e kërkesave financiare për të lehtësuar largimin. Përfaqësuesit e Yildirim kanë udhëtuar në Palma për të finalizuar detajet, ndërsa rivali i tij, Hakan Safi, gjithashtu premton transferime të mëdha, duke krijuar një situatë të paqartë për të ardhmen e sulmuesit kosovar.