Përpara ndeshjes së parë në Botëror kundër Senegalit, Franca ka marrë një lajm shumë pozitiv me rikthimin e William Salibës nga lëndimi. Mbrojtësi po stërvitet me ekipin kombëtar dhe pritet të jetë në dispozicion për ndeshjen që do të zhvillohet në “MetLife Stadium”. Ende nuk është vendosur nëse Saliba do të startojë nga minuta e parë apo do të hyjë në pjesën e dytë, por prania e tij konsiderohet një përforcim i rëndësishëm për mbrojtjen franceze. Ky rikthim i jep një shtysë morale dhe taktike ekipit të Francës në garën për titullin botëror.