KF Prishtina e Re ka zyrtarizuar rikthimin e Sami Borocit si Drejtor Menaxhues dhe Sportiv, duke i besuar atij drejtimin e klubit pas një viti suksesi te FC Malisheva. Boroci, një nga themeluesit dhe arkitektët kryesorë të ngritjes së klubit nga rangjet e ulëta deri në elitën e futbollit kosovar në pesë vitet e fundit, rikthehet me synimin për të konsoliduar dhe zhvilluar më tej klubin. Klubi synon të ndërtojë një projekt afatgjatë dhe ambicioz, ku prioritet mbetet zhvillimi i akademisë dhe krijimi i një modeli të qëndrueshëm për futbollistët e rinj. Ky rikthim pritet të forcojë pozicionin e KF Prishtina e Re në elitën e futbollit kosovar dhe të sjellë një vizion profesional dhe të qëndrueshëm në menaxhimin e klubit.