Vedat Muriqi është gati të rikthehet te Fenerbahçe pas arritjes së një marrëveshjeje në parim mes klubit turk dhe Mallorca-s. Sulmuesi i Kombëtares së Kosovës pritet të mbërrijë sonte në Stamboll, ku do t’i nënshtrohet testeve mjekësore dhe do të finalizojë fazën e fundit të negociatave për transferimin e tij. Aeroplani që transporton Muriqin do të aterojë në Aeroportin Sabiha Gökçen rreth orës 21:00, ndërsa klubi turk ka konfirmuar se transferimi do të zyrtarizohet pas përfundimit të këtyre procedurave. Ky rikthim shënon një kapitull të ri për sulmuesin, i cili më parë ka lënë gjurmë të rëndësishme te Fenerbahçe me 17 gola dhe 7 asistime në sezonin 2019/20, ndërsa këtë sezon te Mallorca ka shënuar 23 gola në 37 ndeshje.