Trajneri i Kombëtares së Norvegjisë, Stale Solbakken, u bë protagonist i një momenti emocional dhe viral në Botërorin 2026, kur pas fitores 3-2 ndaj Senegalit u ngjit në tribunë për të përqafuar dhe puthur bashkëshorten e tij. Ky moment nuk është thjesht një festë sportive, por pasqyron një histori të jashtëzakonshme jete dhe mbijetese. Në vitin 2001, Solbakken pësoi arrest kardiak gjatë një stërvitjeje si futbollist i FC Copenhagen, duke qëndruar pa frymë për disa minuta dhe duke u konsideruar klinikisht i vdekur, por u shpëtua falë ndërhyrjes së shpejtë të mjekëve. Pas këtij incidenti, ai u detyrua të pensionohej nga futbolli aktiv, por vazhdoi karrierën si trajner, duke arritur të kualifikojë Norvegjinë në Kupën e Botës për herë të parë pas 28 vjetësh.