Robert Rrahmani, futbollisti i SC Gjilani, është shpallur ‘Ylli i Javës’ për javën e 27-të të Superligës së Kosovës, pas paraqitjes së tij të shkëlqyer në ndeshjen kundër Prishtinës së Re, ku shënoi golin e parë në fitoren 2:1 të skuadrës së tij si mysafirë. Ky çmim tradicional ndahet nga Federata e Futbollit e Kosovës në bashkëpunim me sponsorin Albi Mall dhe vlerësohet nga Komisioni i Veteranëve të Futbollit. Me këtë fitore, SC Gjilani ka bërë një hap të rëndësishëm drejt arritjes së objektivit për të siguruar një vend që dërgon në garat evropiane. Rrahmani falenderoi trajnerin, stafin, bashkëlojtarët dhe familjen për mbështetjen, duke theksuar se përgatitja dhe përkushtimi i ekipit ishin çelësi i suksesit në këtë ndeshje.