Robin Gosens, futbollisti i njohur gjerman, ka dalë në mbrojtje të Granit Xhakës pas raportimeve mediatike që e përshkruanin atmosferën në zhveshtoren e Zvicrës si “toksike”. Ai mohoi të ketë informacione të brendshme që mbështesin këto pretendime dhe theksoi se kritikat e Xhakës janë më shumë për të mbrojtur skuadrën sesa për ta dëmtuar atë. Sipas Gosens, Xhaka është një lider i padiskutueshëm, i cili orienton dhe udhëheq bashkëlojtarët në fushë, duke qenë zgjatimi i trajnerit gjatë ndeshjeve. Ai pranoi se kapiteni zviceran është i sinqertë dhe i drejtpërdrejtë, cilësi që mund të mos pëlqehet nga të gjithë, por që është thelbësore për suksesin e ekipit.