Sot në orën 12:00 në stadiumin “Olimpico” zhvillohet një nga ndeshjet më të tensionuara të futbollit evropian, derbi i kryeqytetit italian mes Romës dhe Lazios. Kjo përballje historike ka një rivalitet të thellë, ku Roma ka 76 fitore, Lazio 58, ndërsa 68 ndeshje kanë përfunduar barazim. Ndeshja është e njohur jo vetëm për tensionet sportive, por edhe për incidentet mes tifozëve, duke përfshirë përleshje dhe tragjedi. Një fitore e Romës do t’i mbante ata në garë për kualifikim në Ligën e Kampionëve, duke rritur edhe më shumë presionin dhe emocionet në këtë duel të zjarrtë.