Mbrojtësi i djathtë brazilian i Fiorentinës, Dodo, është bërë objektiv kryesor i Romës për afatin kalimtar të verës. Pas paraqitjes së tij në ndeshjen e fundit kundër Romës, ku Fiorentina pësoi humbje 4-0, klubi kryeqytetas është gati të ofrojë rreth 20 milionë euro për transferimin e tij. Megjithëse Dodo ka kontratë me Fiorentinën deri në vitin 2027, drejtuesit e klubit nuk duan ta largojnë lehtë, por oferta dhe dëshira e lojtarit për një sfidë të re mund të ndikojnë në vendimin përfundimtar. Zhvillimet e këtij transferimi priten të sqarohen gjatë afatit veror, ku Roma e ka vendosur Dodon në krye të listës së përforcimeve.