Ronaldinho ka mbërritur në Itali, duke u pritur me entuziazëm nga tifozët dhe klubi i ri Ravenna. Ai zbarkoi në aeroportin e Forlì-t dhe u prit nga një delegacion i klubit, si dhe rreth 30 tifozë që kërkonin autografe dhe fotografi me legjendën braziliane. Sonte në Marina di Ravenna do të zhvillohet një prezantim spektakolar në plazh, ku pritet të marrin pjesë mijëra tifozë për të festuar fillimin e kapitullit të ri të Ronaldinhos në futbollin profesionist. Braziliani synon të shënojë golin e tij të fundit si profesionist me fanellën e Ravennas, duke i dhënë kështu një fund personal dhe të veçantë karrierës së tij të jashtëzakonshme.