Ronaldinho, ish-ylli i madh brazilian i futbollit, ka vendosur të rikthehet në fushën e blertë në moshën 46-vjeçare duke nënshkruar kontratë me klubin italian Ravenna FC, që luan në Serie C. Ai do të ketë një rol aktiv në disa ndeshje dhe do të jetë gjithashtu ambasador dhe investitor i klubit, duke kontribuar në zhvillimin e projektit të skuadrës. Prezantimi zyrtar i bashkëpunimit do të bëhet më 23 qershor në Miami, ku do të zbulohen më shumë detaje. Ronaldinho, fitues i Topit të Artë në 2005 dhe kampion bote me Brazilin në 2002, shprehu entuziazmin e tij për këtë sfidë të re dhe dëshirën për t’u rikthyer në kontakt me futbollin pas pensionimit në vitin 2015.