Cristiano Ronaldo realizoi golin e tij të 965 në karrierë në minutën e shtatë të ndeshjes së Al Nassr ndaj Al Najma në ligën arabe. Goli u shënua nga penalltia dhe ishte pjesë e fitores së thellë 5-0 të skuadrës së tij në xhiron e 10-të të kampionatit elitar të Arabisë Saudite. Përveç golit, Ronaldo kontribuoi edhe me një asistim në golin e katërt të shënuar nga Sadio Mane në minutën e 52-të, ndërsa u zëvendësua në minutën e 57-të. Me këtë arritje, Ronaldo është vetëm 35 gola larg shifrës jubilare prej 1000 golave në karrierë, duke vijuar të jetë një nga futbollistët më të mëdhenj të të gjitha kohërave.