Më 18 dhe 19 korrik 2026, rruga Brezovicë–Prevallë do të mbyllet përkohësisht për shkak të zhvillimit të Garës Automobilistike Malore “Brezovica 2026”, e organizuar nga Federata e Auto Sporteve të Kosovës. Mbyllja do të jetë në intervalin nga ora 10:30 deri në 18:00 gjatë të dyja ditëve, ku më 18 korrik do të mbahen stërvitjet zyrtare, ndërsa më 19 korrik gara zyrtare. Për garantimin e sigurisë së pjesëmarrësve dhe mbarëvajtjen e aktivitetit, organizatorët do të bashkëpunojnë ngushtë me Policinë e Kosovës dhe institucionet përgjegjëse. Ministria e Infrastrukturës dhe Transportit u ka bërë thirrje qytetarëve të planifikojnë lëvizjet paraprakisht dhe të respektojnë sinjalizimin dhe udhëzimet e policisë gjatë këtyre ditëve.