Milani po përgatitet të emërojë trajnerin portugez Ruben Amorim si drejtuesin e ri të skuadrës, duke finalizuar një marrëveshje që pritet të jetë trevjeçare me një pagë prej rreth 4 milionë euro në vit. Amorim, i cili ka një eksperiencë të fundit të vështirë me Manchester United, ka pranuar kushtet e klubit dhe është gati të nisë një kapitull të ri në “San Siro”, duke u fokusuar në një stil loje modern dhe dinamik. Drejtuesit e Milanit kanë shqyrtuar edhe kandidatura të tjera si Oliver Glasner dhe Mauricio Pochettino, por portugezi mbetet zgjedhja kryesore, ndërsa klubi synon të rikthehet në garën për Ligën e Kampionëve pas një sezoni zhgënjyes. Tani, vetëm miratimi final nga pronari Gerry Cardinale mungon për të konfirmuar zyrtarisht këtë ndryshim të rëndësishëm në drejtimin teknik të Milanit.