Antonio Rudiger do të vazhdojë të jetë pjesë e Real Madridit edhe për sezonin e ardhshëm, pasi ka arritur marrëveshje verbale për rinovimin e kontratës deri në qershor 2027. Megjithatë, zyrtarizimi i marrëveshjes është shtyrë për shkak të zgjedhjeve për presidentin e ri të klubit madrilen. Rudiger kishte kërkuar fillimisht një kontratë dyvjeçare, por ka pranuar politikën e klubit që lojtarët mbi 30 vjeç të rinovohen për një vit. Gjermani është një nga liderët kryesorë të mbrojtjes së Real Madridit dhe ka fituar besimin e tifozëve me paraqitjet dhe karakterin e tij luftarak gjatë qëndrimit që nga viti 2022.