Berat Gjimshiti ka nisur një kapitull të ri në karrierën e tij duke u transferuar te klubi saudit Al Diriyah FC, ku do të qëndrojë deri në qershor të vitit 2028. Kontrata e mbrojtësit të Kombëtares shqiptare është vlerësuar në rreth 4 milionë euro në vit, që përkthehet në një pagë prej afërsisht 77 mijë euro në javë dhe mbi 10 mijë euro në ditë. Ky transferim i jep fund periudhës së gjatë të Gjimshitit te Atalanta, ku ai u bë një nga liderët e skuadrës. Për kartonin e tij, Al Diriyah ka paguar rreth 3 milionë euro, duke e bërë atë një nga emrat e njohur që i janë bashkuar projektit ambicioz të futbollit saudit.