Transferimi i Kylian Mbappés te Real Madridi, edhe pse zyrtarisht si lojtar i lirë, është një nga operacionet më të shtrenjta në historinë e futbollit. Klubi madrilen pritet të shpenzojë mbi 400 milionë euro gjatë pesë viteve të kontratës së sulmuesit francez, duke përfshirë pagën, bonuse, të drejtat e imazhit dhe shpërblime të tjera. Mbappé ka siguruar një bonus firmosjeje prej 125-150 milionë eurosh dhe mban një pjesë të madhe të të drejtave të imazhit, duke e bërë këtë marrëveshje një projekt marketingu global në nivelin e Messit dhe Ronaldos. Real Madridi shpreson të rikuperojë investimin përmes shitjeve të fanellave, sponsorëve dhe rritjes së të ardhurave komerciale, ndërsa PSG-ja kishte refuzuar oferta të mëdha për kartonin e tij në të kaluarën.