Rikthimi i Conor McGregorit në oktagon pas pesë vjetësh pauzë përfundoi me një humbje të shpejtë në Las Vegas, ku ai u tërhoq pas vetëm 69 sekondash për shkak të një dëmtimi në gju. Megjithatë, irlandezi fitoi rreth 12.8 milionë euro vetëm për hyrjen në ndeshje, ndërsa të ardhurat totale nga biletat, transmetimet, sponsorizimet dhe marketingu pritet të kalojnë 25.5 milionë euro. Ky fitim i madh konfirmon statusin e tij si ylli më fitimprurës në historinë e MMA-së, me një pasuri totale që përfshin edhe bizneset e tij, si marka e uiskit Proper No. Twelve, që kap vlerën mbi 425 milionë euro. Ndërsa McGregor nuk arriti të triumfonte në këtë përballje, emri dhe ndikimi i tij vazhdojnë të tërheqin vëmendje të jashtëzakonshme dhe të vendosin rekorde për organizatën UFC.