FIFA ende nuk ka publikuar tarifat zyrtare për gjyqtarët që do të angazhohen në Kupën e Botës 2026, por të dhënat nga edicioni i fundit në Katar japin një ide të qartë për fitimet e mundshme. Në Botërorin 2022, gjyqtarët kryesorë morën një pagesë fikse prej 70 mijë dollarësh për pjesëmarrje, ndërsa gjyqtarët ndihmës fituan 25 mijë dollarë. Përveç kësaj, ata përfituan shpërblime shtesë për çdo ndeshje të arbitruar, duke rritur ndjeshëm të ardhurat gjatë turneut. Me zgjerimin e Kupës së Botës 2026 në 48 kombëtare dhe organizimin në SHBA, Kanada dhe Meksikë, pritet që strukturat e reja të pagesave të jenë edhe më të larta.