Argesi arriti të marrë tri pikët e plota në ndeshjen e javës së katërt në elitën e futbollit rumun, duke mposhtur me rezultat minimal 0:1 Universitatea Craiova. Golin e vetëm të takimit e shënoi Pirvu në minutën e shtatë, por përveç golit, ndeshja u vendos edhe nga një moment kyç i mbrojtësit kosovar Leard Sadriu. Ai realizoi një pritje të jashtëzakonshme, duke shpëtuar një gol të sigurt për kundërshtarët dhe duke i siguruar kështu fitoren skuadrës së tij. Ky veprim i Sadriut u vlerësua si vendimtar për suksesin e Argesit në këtë përballje të rëndësishme.