Santi Cazorla ka njoftuar zyrtarisht pensionimin nga futbolli në moshën 41-vjeçare, duke i dhënë fund një karriere të gjatë dhe të suksesshme. Mesfushori veteran ndau vendimin e tij përmes një mesazhi emocionues në rrjetet sociale, ku i dha lamtumirën fushës së blertë dhe realizoi ëndrrën e rikthimit te Real Oviedo, klubi i zemrës së tij. Gjatë karrierës, Cazorla luajti për klube të njohura si Villarreal, Malaga dhe Arsenal, ndërsa ishte një figurë kyçe e Kombëtares së Spanjës në epokën e artë, duke fituar dy herë Kampionatin Europian. Megjithëse nuk fitoi shumë tituj me klubet, kontributi i tij në futboll dhe sukseset me përfaqësuesen spanjolle e bëjnë karrierën e tij të paharrueshme.